AMA Sudanezas pa fala di nos trabadju i nos visom.
Oji nu nkontra ku 11 MAMA SUDANEZAS, parti di familia ki fuji di kel grandi jenosidiu ki kumesa na 2011 i ki dividi paÃs em 2 padaz: Sul ku Norti.
Tudu kel banhu di sangi la foi rizultadu di
ganansia di dinheru I sedi di puder pulitiku. Povu di Sudom kai na armadilha di sistema imperialista es kaba ku tenta masakra violentamenti um parti di sis propi irmon:
Nuer.
E ka prumeru bes ki afrika sta txora, nem ka sta ba ser ultimu si nu ka labanta uni pa nu luta i sai di silensiu.Nu valoriza kel ki e di nos tambe.
Midia Internasional fla me gera di etnia i ralijion, kristom ku musulmanu, ma u ki es sa ta sakundi e ki
Sudom tem pontu stratejiku na Afrika di norti ku saida pa Mar burmedju, um di kes mas importanti pontu di transasom di kumersiu entri Azia, Afrika ku Europa, es ka ta kontatu na televisom ki rikeza tem na tera di sudom, nem di undi kes bem ki fari pa undi es bai sekulus i sekulus.
Ti oji tudu 13 di janeru, duranti um simana Povu Nuer ta lembra ku lágua n´odju kuza ki pasa, es ka ta kume nem trabadja na kes dia.
Pa skapa des terorismu mental i fiziku um parti des povu bem pa frontera di Ethiopia, na Gambela i dipos pa Sidadi Addis Ababa na kumunidadi Bela.
Kriansas i mudjeris bem pa dianti i omis i bedjus fika ta sigura na um gera ki ti inda ka kaba i nem ka teni dia pa kaba trokadu silensiu di nos Afrikanus.
E mas um Gera pa impidi Afrika di uni i tem paz ku liberdadi di Neokolonialismu di ki otuz teorias inventadu pa desvianu atensom.
Desdi a um anu nu sta trabadja ku es kriansas djuntu ku sis kolegas ethiopianu, ta tenta djudas intendi sis raiz pes ka dezanima.
Nu inklui serka di 12 kriansa na nos programa di intervensom djuntantu otu parti ku mininus Ethiopianu.
Na prinsipiu ka foi faxi pamo Ethiopianu ka konxi na verdadi storia di Sudom di Sul mo ki pasa, nem sis pasadu komu povu Kuxita.
Pa Munti Gambela é tudu pretu pontu final. Ou seja esta konfundi kel rejiom di frontera ku Ethiopia ki txoma Gambela ki mesmu tempu ta situa kel grandi kampu di refujiadu, ku tudu um povu Afrikanu pretu.
Nem tudu Afrikanu di peli mutu sukuru e ka Nuer sima tambe nem tudu e ka Sudanez. Bu podi atxa tambe ethiopianu di peli sukuru ma ki e ka Nuer .
Diskriminasom di pretu e na mundu interu, mesmu entri nos ki e Afrikanu. Tudu kela e rezultadu di neokolonialismu.
Em bes di nu ama nos irmon i nu uni ku el nu ta tenta diskriminal i ate matal, e u ki kaba ku kontisi entri
Nuer ku
Dinka
Nos projetu ki e Uniom di Afrika ta da valor a tudu Afrikanu sobretudu kes ki e refujiadu ki mas ta sufri na mundu. es ta perdi kuazi tudu pa rikumesa um novu vida.
Nu kre trabadja nau so ku kriansas mas tambe ku familias pes intendi mo ki es podi djuda na Unidadi i paz di Ethiopia i di Sudom i tudu Afrika.
Purtantu poi bu mon nu labanta nos Mama ku nos kriansas Afrikana na Paz.
Nu ka kre mas ninhum matansa dis umanu na Kontinenti Afrikanu. Nukre odja nos kriansa ta vivi nbrasadu ku kompanheru na Paz.
