Mama e mi bu fidju Ras Munda Uvé. Kantu nu xinti inspiradu pa subi montanha pa ba konxeu bu dam kafe bu kumida ku gazadju. Bu inxinam segredu di kultura ku spritu Ethiopia undi sta.
Foi na montanha ki nu risebi rivelasom um di kes maior inspirasom des luta ou seja me tem ki kontinua i ma Afrika ta labanta na tera di txiga Seu.
Bu kontanu storia montanha bu maridu mo ki luta kontra Italianus. Bu flanu ma bu vida na la dja fosi tempu. Desdi tempu Menelik 2.
Nu ba vizitou munti bes, kantu Kovid bem bu flam pam bem montanha ku Familia.
Mama bu bem nha kaza munti bes pe na txom lensu na kabesa ku na sintura, 1 hora ta anda mas di 8 kilometru di dixida. Na volta bu ta baba sempri ku kel kafe bombudu na kosta.
Alvez nhos tabem ku mininu bobudu na kosta. Mama nu ka kre odjaba bo ta durmida baxu agu txuba nem nu ka kre odjaba bo ta kume xintadu na pedra. Mas e bu kultura ku fe na bu Santu Rei Taikla Haimanot ki sempri bu tninha na boka odju na seu.
nka ta skesi kantu nu ba trokou tetu kaza mo ki bu fika ta ri bu danu mas di 20 kumida.
Mama nfika tristi onti kantu es mandam rekadu ma nhos tera dja tomadu pa fazi palasiu di nhu Rei i bu fika di mandadu kondominiu fitxad.
Bu primeru fidju femia ku si maridu i ku si fidju femia ku matxu i mas pikinoti bombodu na kosta nem ka sabi mo ki e sis vida.
Mama desdi di kel dia bu ka bem mas vizitanu. Ku bu simplisidadi sempri bu seta tudu.
Nkrebebu karta pamo nta xinti me ka na kondominiu ki bu ta gostaba di findaba bu bedjisi.
Abo kuza ki bu gosta dja bu sta kostumadu ku bu kantiga di pasu, ku bu agu fonti, ku bu ar di planta, dja bu sta kostumadu ku bu ramedi tera, ku indjera fetu na lumi, dja bu sta kostumadu ku bu kafe piladu ku zanzan kim kumprou.
Mama nobi ma bu teni dor di kabesa mas mo ka kre fra ningem.
Mama kontinua ta reza pa Tekla Haimanot djudou.
sim podi nta pou djuntu ku mi.
Koraji Mama
Ras Munda Uve.
