A um mes atras pa kenha ki staba atentu rapara mam toma desisom di da um tempu pa dexa fundasom anda ku si pe dipos ki djam instalal.
Mas na dikorer di prusesu tudu membrus atxa mam debi kontinua komu presidenti internasional i ki kela e muitu importanti pa visom ki tevi.
Purtantu, motivasom foi ainda mas riforsadu ku proposta di doasom di um terenu i kaza pa fundasom kontinua ta opera na Shashamane nas tambe di um terenu agrikola emprestadu na zona di konso pa Rei Kala.
Para alem di Terrenu tambe foi oferesidu proposta fazi agrikultura na komunidadi di Konso, akordu diretamenti ku Rei Kala ki e proprietariu lejitimu di terenu agrikola disponibilizadu pa apenas kumesa ku es anu agrikola na Fevreru duranti tempu txuba.
Nes sentidu, nta xinti pura risponsabilidadi di ka rijeta oportunidadi i rinova konfiansa di membrus dipos di kuazi 5 anu di labutasom na Ethiopia.
Nos desisom di seta oportunidadi di toma terenu i kaza na shashamane e pamodi nu ta kridita ma kela e um grandi vitoria spiritual di nos organizasom uma vez ki nu sta fala di SHASHAMANE undi ki e konsideradu pratikamenti tera prometida pa komundadi Rastafari di Mundu interu.
Purtantu, e nha diver di kontinua ta sikuta voz interior di nha missom mas tambe akonselhamentu di velhus, kriansas i komunidadi ki ta trabadja nes missom.
Di akordu ku riflexom sobri planu di atividadi pa 2023 nu sta pensa na realiza 8 misom ku fe na Dja:
1. Abri biblioteka Panafrikanu na Shashamane, mobilizandu mas livrus i kunhesimentus na aria;
2. Abri skola muzikal pa nu spandi banda Selam Afrika ku mininus di Shashamane;
3. Realiza atividadi di retiru ku nos meninus di Addis Ababa pa Shasha sempri ki dadu feria i tambe pa konso na tempu agrikultura.
4. Formasom na aria di korti kostura i produsom di muxilas pa duasom
5. Kumemorasom di 60 anu di aniversariu di formasom di OUA, ku atividadis moda marcha, debates videoclips etc
6. Formasom na aria di arti plastika
7. Agrikultura di sikeru na Zona di Konso ku protokolu ku rei Kala.
8. Abri mas um unidadi di Deug 27 na Fransa
Pa ki kes atividadi kori ku medida e presisu ki nu suporta di manera ki nu podi. abrasu
«Rastafari, Felesidadi i amor.